دبانة

دبانة

جت تقولى يابن البسيطة اوعى تقول عنى حويطة

والكلام اللى حقوله كلام بجد وانا مش عبيطة

دبانة جت تقولى كلام كتير قالوه عنى

دبانة جت تقولى عاللى بيجرى ورا منى

دبانة تزن لآ ومتقولش غير الحق

شوفتها انا قلبى دق لما قالتلى قوم الحق

شوف قالوا عليك ايه ورا منك

لا دول كبار مش من سنك

سمعت اللى قالوا لآ وكروتوا كلام كتير قالوه عنك

شوفت اللى شالوا وقالوا داروا عليه ده كبير مش من سنك

دبانة دخلت الاجتماع قالت كلام كتير اتباع

دبانة دخلت عربية قالت كلام بالمصرية

دبانة دخلت جوة البيت قالت كلام ولع فى الغيط

دبانة راحت هونولولوقالت كلام مش راح اقولوا

دبانة رجعت مهدودة جاية معاها حتة دودة

بتقول وحيدة ومسكينا راحوا خواتها فى المينا

دبانة راحت عالمزرعة جابت حاجات حلوة مولعة

وعطيطنى منها كام كيلوقالتلى كل والباقى شيلو

دبانة قالتلى حسفرك اى مكان وحشغلك

قولتلها ماشى ايدى على كتفك قالتلى خد بقى يلا امسك

ولقيت فى ايدى باسبور وقالتلى دورك فى طابور

لسه بقول دستور لقيت جه عليا الدور

قالتلى حتروح لايطاليا ولو قابلت الدورية نط اوام تحت المية

حتلاقى سمكة معدية قولها انا تبع الدبانة تاخدك اوام تحت المية

وتلاقى مية ورا مية وتلاقى كتير من سنك وفى شباب اكبر منك

وفى رجالة بعيد عنك جمبك هنا اهه هنا جمبك

ولو مشوفتش دورية وروحت عالمينا فى ايطاليا

حتلاقى زيك محشية شباب فى صناديق فى عربية

راجعين بلادهم راحيلية

وتلاقى نفسك مكسورة والدنيا فى عنيك مقفولة

ويجروا وراك ناس مشكورة سابوك فى دايرة مقفولة

وييجى فى بالك الدودة اللى جابتها الدبانة اللى خواتها فى المينا

وتتمنى تانى ترجع بلدك وماتشتغل الا فى بلدك

وتخرس وتسمع كلام ابوك اللى كلامه على قلبك شوك

ومهما تحكيلهم مايسمعوك ولا بكلامك حيصدقوك

وحييجى بكرة وحتقولوا كلامى صح فى اللى بقولوا

وارجع وأقول للدبانة اللى ف هوانا عايشة معانا

واللى دلوقتى سامعانا سيبى الشباب هنا ويانا

ومتقوليش قلبك علينا وانتى مش عارفة اللى فينا

ومتجيش تانى لينا ده احنا رجالة المينا ومستقبلنا فى ايدينا

وبلدنا عايشة فى عنينا

وحنخاف عليها ونعمر

ومعانا الله واكبر
________________

رسالتى لكل شباب جيلى والاجيال القادمة احذروا من مافيا تدمير الشباب اللتى وصفتهم بالدبانة وبتمنى بتمنى من كل قلبى اننا نعمر فى بلدنا ونخاف عليها ونبصلها بنظرة تانية غير اللى بيقوه فى عقولنا واليكم كلامى واليكم سلامى....محمد روميو الشاعر

اسكندرانى من يومى

اسكندرانى من يوم

اسكندرانى من يومى راجل قوى ومالى هدومى

ولا عمرى موجة تهزنى وانا بحكى للبحر همومى

اسكندرانى واصلى مصرى خفيف جرىء جدع من يومى

بحب اعيش فى اسكندرية ومش بحب ولا حته تانية

زى السمك جوة المية لو طلع برة ما يعيشش ثانية

قالوا ياما كتير علينا صيادين ورجالة مينا

قالوا ياما كتير علينا فى الصبر والشدة تلاقينا والفرح ميكملش الا بينا

وفى اللى قالوا علينا غابة غدارين زى الديابة

ولا شافونا ولا عرفونا وبكلامهم ده ظلمونا

م البداية قال اسكندر اسكندرية دى مملكتى

ومن يومها للنهاردة اسكندرية دى حبيبتى

وعمرى مانسى جميل حبيبتى لما يقولولى يااسكندرانى

وقلبى يقوى ده انتى سيبتى جوة منى ليكى اغانى

الله عليكى لما غنالك يااسكندرية يامجننانى

ده الحجار اللى ياما عاش فيكى وقال اجمل اغانى

وكل اللى قال فيها كلمة ردت عليه بالف نعمة

يااسكندرية بحرك دوا اي انسان

يااسكندرية بحرك الهام اى فنان

يااسكندرية مهما قالوا فيكى كلام مايوصفوكى

ده اللى فيكى مهما شافوا برده لسه مابيشوفوكى

بحب فيكى كل مافيكى واحلى ما فيكى حياتى بيكى

بشوف فيكى وقت الصبى واهلك وناسك الطيبة

اللى دموعهم قريبة وميستحملوش شىء عليكى

يارب عمر فيها اكتر يارب زود فيها خيرها

الله عليكى الله اكبر يارب جمل في مصيرها

يا اسكندرية فيكى امى وابويها واهلى واصحابى

يا اسكندرية ليكى حبى ده انتى اهلى واعز اصحابى

بشوف ف اهلك الوفا بحس ف حضنك الدفا

وكانت امى والرحمة ليها كانت تاخدنى وانا بين ايديها

وتحكيلى عاللى بيكى واللى كان متربى فيكى

واللى خانك واللى باعك واللى ضيع عمره ليكى

ومن يومها يااسكندرية وانتى غالية كتير عليا

ومهما روحت اى مكان مابقولش غير اسكندرانى من يومى راجل قوى ومالى هدومى....

M..o..h..a..m..e..d.*.R..o..m..!..o.*.E..L..s..h..a..3..e..r.*.4..a..l..l

ياولاد جيلى

ياولاد جيلى

ياولاد جيلى انا منكم وتوبى ولبسى من لبسكم
واكلى هو اكلكم وعايش برده زيكم وسنى برده من سنكم
بس في حاجة انا غيركوا فيها انى بخاف كتير عليها
ومش ببص وبداريها وفى تستاهل أروح ليها واقولها العيب اللى فيها
وتاخد بالها والاقى فيها تأثيركلامى بان عليها
وفى تقولك وانتا مالك وانتا ايه شاغل بالك
وارد عليها بكل بساطة واقولها اصل دى بلدى
وانتى فيها بنت بلدى وكمان انا عندى زيك
اختى لازم اخاف عليها واانتى برده اخاف عليكى
يابنت بلدى ده انتى بنت ام الدنيا
يابنت بلدى ده انتى مكانتك حاجة تانيا
تبقى مبسوطة لما تلاقى عيون الناس كتير عليكى
وتضايقى لما تلاقى حد جه يعيب عليكى
طب وليه ماتبانيش اميرة وفى الماشية شاويش
ومش عيب متخافيش اميرة ومنها ماتلاقيش
بخاف عليكى ونفسى تخافى عليكى
كلامى ليكى مش يقلل حاجة فيكى
كلامى ليكى مش بقولك بضحك عليكى
بجد خايف بجد شايف حاجات كتير متغيرة
بجد طايف بينا حاجات كانت زمان متشفرة
بجد نفسى بأعلى صوت اقولكم عاللى بشوفوا
بجد قلبى خايف موت يقولكم وده من كسوفوا
خافى م اللى تقول سيبك م المذاكرة ويلا بينا
خافى م اللى تقول حبيبك ده بكرة مستنينا
خافى م اللى كلامها فكك ونقضيها ودارى علينا
خافى من ربك وقلبك عمرى فيه الايمان
خافى على نفسك ونفسك عمريها بالايمان
ده انتى بكرة ام لبنت فى نفس سنك
ولازم تبقى ام كبيرة فى عيون بنتك
وتحكيلها كنتى ايه عيشتى فين عملتى ايه
وتقوليلها تبقي ايه وتعلميها تروح فين وتعمل ايه
بس ياخسارة لو لقيتى ان بنتك اكبر منك
فى العقل مش بالسن وتلاقيها تعرف عنك
وتلاقيها عايشة باللى كنتى عايشة فيه زمان
وتلاقيها مش حاسة بيكى زى ماكنتى زمان
واما تشوفك من بعيد تقول لصحابها طنشوها
ومن كسوفك متروحيش ومتقوليش حتى للآبوها
وده برده اللى كنتى بتعمليه فيهم زمان
وساعتها تقولى ياريتنى ارجع بايدى الزمان
ومش حكلم مش حصاحب مش حبص غير لحياتى
ومش حسلم على الصاحب اللى متهموش حياتى
وانا جاى عشان اقولك انك فى ايدك الوقت
تبتدى من بكرة انك متضيعيش حياتك بوقت
وترجعى تقولى ياريت رجعوا ليا الزمان
وتلاقى انك مفيش ليكى فى الدنيا مكان
خافى عاللى خافوا عليكى
وخافى م اللى مش خاف عليكى
ياولاد جيلى انا منكم

><

Mohamed Rom!o ELsha3er